Bakıda sərnişin avtobusunun iştirakı ilə növbəti qəza
Bakının Binəqədi rayonu Biləcəri qəsəbəsi Yəhya
Hüseynov küçəsində 10 TG 002 nömrə nişanlı 202 saylı marşut xətti
üzrə hərəkət edən sərnişin avtobusu ilə "Opel" markalı minik
avtomobili toqquşub. Hadisə zamanı xəsarət alan olmasa da "Opel"
markalı avtomaşın deformasiyaya uğrayıb. Hadisə yerinə Binəqədi rayon polis idarəsinin əməkdaşları cəlb
olunub. Yol polisinin dediyinə görə hadisə minik avtomobilinin
avtobusun yoluna çıxması nəticəsində baş verib."İkinci dərəcəli yoldan baş yola çıxarkən düzünə hərəkətdə
olan nəqliyyat vasitələrini gözləməyən "Opel" yol nəqliyyat
qaydalarını pozub. Avtobusda sərnişin olmayıb" – deyə Yol polisi
Pərviz Allahverdiyev bildirib. Avtoqəzanın dəqiq hansı şəraitdə baş verməsi isə təyin
ediləcək ekspertizaların rəyindən sonra məlum olacaq. Faktla bağlı
araşdırma aparılır.