Zakir Həsənov Fətullah Güləndən təbrik məktubu almayıb-Rəsmi açıqlama
Azərbaycan Müdafiə Nazirliyi Fətullah Gülən və
Mustafa Günay adlı şəxslər arasında aparılan telefon danışığının
yayılmış audioyazısında Azərbaycan Respublikasının müdafiə naziri
barədə səsləndirilən fikirlərə rəsmi aydınlıq
gətirib. Müdafiə Nazirliyinin mətbuat
xidmətindən Movqe.az-a daxil olan məlumata görə, nazirlik bəzi
elektron kütləvi informasiya vasitələrində və sosial şəbəkələrdə
Fətullah Gülən və Mustafa Günay adlı şəxslər arasında aparılan
telefon danışığının yayılmış audioyazısında Azərbaycan
Respublikasının müdafiə naziri barədə səsləndirilən fikirlərə
münasibət olaraq bildirir ki, müdafiə nazirinin adı çəkilən
şəxslərlə heç bir tanışlığı yoxdur, ünvanına heç bir təbrik məktubu
daxil olmayıb və bunu bir təxribat kimi qiymətləndirir.