6 nəfər ədliyyə orqanlarından qovulub
2013-cü ildə Azərbaycanda 6 nəfər nöqsanlarına görə tutduğu
vəzifədən azad olunub və ya ədliyyə orqanlarından xaric edilib. ANS
PRESS-in məlumatına görə, bu barədə ədliyyə naziri Fikrət
Məmmədovun sədrliyi ilə keçirilən geniş müşavirədə deyib.
Müşavirədə, həmçinin qeyd olunub ki, penitensiar müəssisələrdə
vərəmlə mübarizədə müsbət təcrübəmizin öyrənilməsinə maraq
göstərilərək bu məqsədlə xarici ölkələrin nümayəndələrinin ölkəmizə
tanışlıq səfərləri davam edib. Qeyd olunmalıdır ki, BQXK ilə bu
sahədə əməkdaşlığın uğurlu nəticəsidir ki, vərəmdən ölüm halları 60
dəfə, ümumilikdə penitensiar müəssisələrdə xəstəlikdən ölüm halları
15 dəfə azalıb.