BMT Təhlükəsizlik Şurasının Ukrayna üzrə iclası təxirə salınıb
Kiyevin təşəbbüsü ilə keçiriləcək BMT Təhlükəsizlik Şurasının növbəti iclası martın 10-dan tez baş tutmayacaq.
Bunu Ukraynanın BMT-dəki daimi nümayəndəliyinin mətbuat katibi Yeqor Pivovarov bəyan edib.
"Şənbə gününə planlaşdırılan iclas təxirə salınıb", deyə Pivovarov bildirib. Hazırda iclasın martın 10-da keçiriləcəyi nəzərdə tutulub.
Qeyd edək ki, son həftə ərzində BMT Təhlükəsizlik Şurasının Ukrayna üzrə dörd görüşü baş tutub. Onlardan ikisi açıq, daha ikisi bağlı iclas rejimində keçirilib.
