Ruslar indi də Ukraynanın Xerson vilayətinə girirlər
“Hərbçilər tarlaları minalayıblar, sərhəd dirəkləri üçün çalalar qazırlar”
Bu gün Rusiya əsgərləri Ukraynanın Xerson vilayətinin Çonqar
qəsəbəsinin ərazisinə giriblər.Bu barədə Çonqar şəhər sovetinin
işçiləri bildiriblər. "Hərbçilər tarlaları minalayıblar, sərhəd
dirəkləri üçün çalalar qazırlar",- deyə onlar bildiriblər.Çonqar
sakinləri etiraz əlaməti olaraq evlərinin üzərində Ukrayna
bayraqları asıblar. Həmçinin Ukrayna Müdafiə Nazirliyinin mətbuat
mərkəzinin işçisi Vladislav Selenov öz "Facebook" səhifəsində yazıb
ki, rus əsgərlər Xerson vilayətindəki Arbat dilinin ərazisinə
giriblər. O, həmçinin əlavə edib ki, Arbat dili ərazisində ruslar
müdafiə postu yaratmağı planlaşdırırlar. Çonqardakı buraxılış
məntəqəsinin yanında sahə minalanıb və pulemyotlar dinc sakinlərə
tərəf yönəldilib.