Azərbaycanda yeni külək elektrik stansiyaları tikiləcək
2014-2020-ci illər ərzində Azərbaycanda ümumilikdə
512,5 meqavat gücündə külək elektrik stansiyaları
tikiləcək. Azərbaycan Respublikası
Alternativ və Bərpa Olunan Enerji Mənbələri üzrə Dövlət
Agentliyindən bildiriblər ki, üç mərhələdə reallaşdırılması
planlaşdırılan layihələrin 2014-2016-ci illəri əhatə edən birinci
mərhələsində 150 meqavat külək elektrik stansiyaları tikilərək
istifadəyə veriləcək. İkinci
mərhələdə, yəni 2017-2018-ci illər ərzində 150 meqavat gücündə və
2019-2020-ci illəri əhatə edən üçüncü mərhələdə isə 212,5 meqavat
gücündə külək elektrik stansiyaları inşa ediləcək.