"Azərbaycanda ucuz seks xidməti təklif edən qadınların prezervativlərdən (qoruyucu) istifadə etməməsi ölkədə QİÇS və Hepatitə yoluxanların sayını günü-gündən artırır". Bu sözləri Movqe.az-a açıqlamasında Qadın Krizis Mərkəzinin rəhbəri Mətanət Əzizova verib. M. Əzizova bildirib ki, Bakı ətrafındakı kiçik kafelərdə v rayonlardakı motellərdə ucuz seks xidməti təklif edən qadınların əksəriyyəti prezervativlərdən istifadə etmirlər: "Bizim Mərkəzə müraciət edən fahişəliklə məşğul olan qadınlar özləri etiraf edirlər ki, nə onların özləri nə də ki, seks xidmətindən istifadə edən kişilər prezervativlərdən istifadə etmirlər. Bunun səbəbini isə ucuz xidmət təklif etmələri ilə əlaqələndirərək hər dəfə cinsi əlaqənin müqabilində 5 manat pul almaları ilə izah edirdilər".

M.Əzizova proses belə davam edərsə ucuz seks xidməti təklif edən qadınların və bu xidmətdən yararlanan kişilərin prezervativlərdən istifadə etməməsinin QİÇS və Hepatit kimi, təhlükəli xəstəliklərin qorxunc statistika yaradacağını söyləyir.