“İlaxır çərşənbə”də 5 nəfər tonqalda yandı
Bakıda "İlaxır çərşənbə" günü 5 nəfər tonqala düşərək yanıb.
Bu məlumatı Movqe.az-a Bakı Şəhər Təcili və Təxirəsalınmaz Tibbi
Yardım Stansiyasının operativ və hospital işlərinin təşkili
şöbəsinin böyük həkimi Zemfira Vahidova verib. Z. Vahidova
deyib ki, tonqalda yanan şəxslərdən birinin yanıq dərəcəsi ağır
olduğundan Respublika Yanıq Mərkəzinə yerləşdirilib. Digər 4 nəfərə
isə yerində təcili yardım göstərilib: "Martın 18-də saat 21:00
radələrində Bakının Keşlə qəsəbəsində Aliyə Həsənova tonqalın
üzərindən tullanərkən onun üstünə düşüb. A. Həsənova sol əlinin
1-ci və 2-ci dərəcəli yanıq xəsarətləri ilə Respublika Yanıq
Mərkəzinə yerləşdirilib. Növbəti hadisə Sabunçu rayon Vidadi
küçəsində baş verib. Tonqaldan tullanərkən 11 yaşlı Məhəmməd
Əbdülrəhimlinin əlləri yanıb. Onun yanığ xəsarəti yüngül olduğundan
xəstaxanaya yerləşdirilməyib. Digər 3 hadisə də Bakının müxtəlif
rayonlarında baş verib. Onların yanıq xəsarətləri yüngül olduğundan
amblator müalicə olunublar".