Əlaqə Arxiv
news Image
2014.03.19
19:56
| A A A
İmran Cəfərzadənin valideynləri Azərbaycan prezidentinə məktub göndəriblər - FOTO

İmran Cəfərzadənin valideynləri İbrahim və Nuridə Cəfərovlar Azərbaycan prezidenti İlham Əliyevə məktub göndəriblər. APA-nın verdiyi məlumata görə, məktubda deyilir:"Bu məktubu Sizə balaca İmranın dili ilə yazan Sizin göstərdiyiniz misilsiz mərhəmət və qayğı sayəsində ona yenidən qovuşmuş Cəfərovlar ailəsidir. Heydər Əliyev Beynəlxalq Aeroportunun gözləmə otağına daxil olanda, gözlərimizə inanmadıq, balaca İmranın Bakıya dönmə xəbərini eşidib onu qarşılamağa o qədər insan gəlmişdi ki, elə bil hamı bu möcüzənin – onun bağışlanmaz bir məsuliyyətsizlik nəticəsində itirdiyi ayaqları ilə yenidən sərbəst gəzməsinin şahidi olmaq istəyirdi. Sizin sayənizdə bu günü görmək bizə nəsib oldu. O dəhşətli anlarda Sizin köməyiniz olmasaydı, bir valideyn kimi bu çətinliyi necə dəf edəcəyimizi, necə adlayacağımızı təsəvvür edə bilmirik.Möhtərəm cənab Prezident! Siz balaca İmranın xilaskarı, onun ikinci dəfə anadan olmasının, həyata, bizlərə dönməsinin səbəbkarısınız. Sizə İmranın bütün ailə üzvləri və onun taleyi ilə bu müddət ərzində maraqlanan mərhəmətli Azərbaycan xalqı adından öz sonsuz minnətdarlığımızı bildiririk!Təki İmran boya-başa çatıb Sizə və ölkəmizə layiqli bir vətəndaş olsun. Bizə göstərdiyiniz böyük diqqət və qayğıya görə Sizə bir daha təşəkkürümüzü bildiririk. Ulu Tanrıdan arzu edirik ki, Siz hər zaman xalqımızla olasınız! Bu bayram ərəfəsində Sizə və ailənizə uzun ömür, cansağlığı, xoş bayram ovqatı arzu edirik! Allah Sizə balalarınızın xoşbəxt günlərini nəsib etsin!"Xatırladaq ki, 2013-cü il iyulun 21-də 2 yaşlı İmran Cəfərzadə Xaçmaz rayonunda fəaliyyət göstərən "Nabran Holiday Village" istirahət mərkəzində hovuzda olarkən qoruyucu barmaqlıq olmadığından hər iki ayağı həmin borunun içərisinə keçib və körpə ağır bədən xəsarətləri alıb.İ.Cəfərzadənin Almaniyadakı müalicəsi Azərbaycan prezidenti İlham Əliyevin göstərişi əsasında, Heydər Əliyev Fondunun dəstəyi və Azərbaycanın Almaniyadakı səfirliyinin təşkilatçılığı ilə həyata keçirilib.

Sizin Reklam Yeriniz