Movqe.az ans press-ə istinadən bildirir ki, Bodrum Rəqs Klubu, Avropa Birliyi Nazirliyi və Mədəniyyət Turizm Nazirliyinin dəstəyi ilə təşkil edilən Avropanın ən böyük rəqs festivalını Bodrumda reallaşdırmaq üçün 122 könüllü çalışan artıq işə başlayıb.
Avropa festivallar siyahısında ən üst sıralarda
yer tutan "Beynəlxalq Bodrum Rəqs Festivalı" fərqli ölkələrdən
gələcək 2 min rəqqası 15 min tamaşaçı ilə görüşdürməyi hədəfləyir.
20-25 may 2014-cü il tarixləri arasında Bodrumda reallaşacaq
festivalda UNESCO-da iştirak edəcək.
Festivalda 30 fərqli ölkədən könüllü gənclər, 14
ölkədən 16 fərqli rəqs qrupu, bir çox rəqs klubları, xalq oyunları
dərnəkləri, məktəblərin rəqs birliklərindən ibarət 2 min rəqqas
tərəfindən 500-dən çox xoreoqrafiya sərgilənəcək. 30 ölkənin
birlikdə hazırlayacağı böyük rəqs isə festivala rəng
qatacaq.
Bu festival Avropa tarixində bir ilkdir. Belə ki,
ilk dəfə 30 ölkə bu böyük festivalda bir araya gələcək. Bu layihə
çərçivəsində Almaniya, Azərbaycan, Belarus, Bolqarıstan, Çex
Respublikası, Ermənistan, Estoniya, Fransa, Gürcüstan, Xorvatiya,
Hollandiya, İngiltərə, İrlandiya, İspaniya, İsveç, İtaliya,
Çernoqoriya, Latviya, Litva, Macarıstan, Makedoniya, Moldova,
Polşa, Portuqaliya, Rumıniya, Rusiya, Sloveniya, Slovakiya, Ukrayna
və Yunanıstandan seçilmiş 30 könüllü festivaldan bir ay əvvəl
Bodruma gələrək hazırlıqlara başlayacaqlar.