Amerikalı həmsədr Azərbaycan və Ermənistan xarici işlər nazirləri ilə görüşəcək
Bu barədə amerikalı həmsədr "Twitter" səhifəsində yazıb
ATƏT-in Minsk qrupunun ABŞ-dan olan həmsədri Ceyms Uorlik aprelin 4-də Moskvada Azərbaycan və Ermənistan xarici işlər nazirləri ilə görüşəcək. Bu barədə Ceyms Uorlik "Twitter" səhifəsində yazıb.
Amerikalı həmsədr ATƏT-lə məsləhətləşmələr üçün bu gün Vyanaya gedəcəyini qeyd edib.
"Bu gün ATƏT-də keçiriləcək müzakirələrdə iştirak etmək üçün Vyanaya yola düşürəm. Daha sonra Moskvaya, Azərbaycan və Ermənistan xarici işlər nazirləri ilə cümə günü keçiriləcək görüşə gedəcəm", - deyə Uorlik bildirib.
Xatırladaq ki, aprelin 4-də Moskvada MDB Xarici İşlər Nazirlərinin iclası keçiriləcək