Gəmiqayırma zavodunun maşinisti faciəli şəkildə həyatını itirdi
Ötən gün saat 19 radələrində Bakının Qaradağ rayonu ərazisində Gəmiqayırma zavodunda bədbəxt hadisə baş verib.
Su Nəqliyyatında Polis İdarəsindən Anspress-ə verilən məlumata görə, Sahil qəsəbəsi ərazisində Xəzər Dəniz Neft Donanmasının gəmisində maşinist işləyən 1964-cü il təvəllüdlü Mais Qasım oğlu Kazımov bədbəxt hadisə nəticəsində dünyasını dəyişib.
Mais Kazımov bir gəmidən digər gəmiyə keçərkən yıxılıb. O, hadisə yerindəcə dünyasını dəyişib.
Faktla bağlı cinayət işi başlanıb, araşdırma aparılır.