Movqe.Az xəbər verir ki, Avropa Cənub Rəsədxanasından verilən açıqlamaya görə nəhəng bir qaz buludu 2013-ci ildə qalaktikanın mərkəzində mövcud olan qara dəliklə toqquşmağa hazırlaşır. Səma cisimlərini tədqiq edən alimlər hələ də aydın şəkildə sirri aşkarlanmayan qara dəliklərin necə hərəkət etdiklərini başa düşmək mövqeyindən bu toqquşmanın önəmli olduğunu qeyd edib. "Sagittarius A" olaraq adlandırılan qara dəliyin 36 işıq saatı sürətlə yaxınlığından keçməsi gözlənilən qaz buludunu udacağı nəzərdə tutulur. 20 ildir bu qara dəliyi müşahidə edən Alman Astronom Stefan Gillessen verdiyi müsahibədə, "İndiyə qədər yalnız 2 ulduz Saqitarus A-ya bu qədər yaxınlaşa bilib. Lakin heç bir zərər görmədən ötüb gediblər. Ancaq bu dəfə fərqli olacaq. Qaz buludu qara dəliyin təsirilə tamamilə parçalanacaq".