"Azəriqaz"da daha bir büro ləğv edilir-Özəl
Araz Ağayev: ""Azəriqaz" İB-nin Layihə konstruktor bürosu ləğv olunur"
"ARDNŞ-nin "Azəriqaz" İstehsalat Birliyində daha bir büro
ləğv olunacaq". Movqe.az- daxil olan bu məlumatı
qurumdan da təsdiqləyiblər. "Azəriqaz" İB-nin mətbuat xidmətinin
rəhbəri Araz Ağayev Movqe.az-a açıqlamasında bildirib ki,
"Azəriqaz" İB-nin Layihə konstruktor bürosu ləğv olunur.Orada
çalışanların 240-nəfərə qədər işçinin ixtisar olunub-olmayacağına
gəlincə, A. Ağayev həmin işçilərin ixtisara düşməyəcəyini söyləyib:
""Azəriqaz" İB-də struktur dəyişiklikləri aparılır. Həmin
dəyişiklik nəticəsində "Azəriqaz" İB-nin Layihə konstruktor
bürosu ləğv olunaraq yerində yeni qurum yaradılacaq. Həmin işçilər
də təkminləşdirmə nəticəsində yaranan yeni qurumda işlərinə davam
edəcəklər. Struktur təkminləşməsi operativliyin təmin edilməsi
məqsədilə aparılır. Heç kəs bu təkminləşmə nəticəsində işini
itirmir".