Prezident Administrasiyası rəsmiləri ilə baş redaktorların görüşü keçiriləcək
Qəzet yayımında yaranmış problemləri müzakirə etmək üçün Prezident
Administrasiyasının rəsmiləri ilə baş redaktorlar arasında görüş
keçiriləcək. Mətbuat Şurasının sədri Əflatun Amaşov iyunun 27-də
"Media forum" saytına deyib ki, görüş yaxın günlərdə baş tutacaq.
Şura sədri bildirib ki, bir necə gün əvvəl bir qrup redaktor
toplanaraq qəzet satışı ilə bağlı yaranmış vəziyyəti müzakirə edib:
"Mən xaricdə idim. Mətbuat Şurasının sədr müavini Müşfiq Ələsgərli
həmin görüşdə iştirak edib. Müzakirələrin yekununda qərara gəlinib
ki, Prezident Administrasiyasının səlahiyyətli şəxslərdən biri ilə
görüş keçirilsin. Yaxın günlərdə belə bir görüş olacaq".