Polşalı uzunömürlü, 104 yaşlı Stanislav Kovalski yaşlı qaçışçılar üçün təşkil olunan yüz metrlik məsafəyə qaçış üzrə Avropa rekordu vurub. Təqaüdçü startdan 32,79 sonra finişə yaxınlaşıb. Kovalskinin sözlərinə görə, o bu yarışa xüsusi olaraq hazırlaşmayıb. O finişə çatdıqdan sonra yorulmadığını və həmin məsafəni bir daha qaçmaq iqtidarında olduğunu bildirib. Qeyd edək ki, yaşı yüzdən yuxarı olan qaçışçılar arasında yüz metrlik məsafəyə qaçış üzrə dünya rekordu Yaponiyadan olan təqaüdçüyə məxsusdur – 28 saniyə.