Azərbaycanda istirahət mərkəzində attraksion aşıb, məktəbli ölüb, xəsarət alanlar var
Azərbaycanın Qobustan rayonunda faciəli hadisə baş verib.
APA-nın xəbərinə görə, hadisə Qobustan rayonunun "Bağ-bağat" İstirahət-əyləncə Mərkəzində qeydə alınıb. Bakı Oksford Məktəbinin müəllim və şagirdlərinin əyləndiyi
attraksionlardan biri aşıb. Nəticədə 10 yaşlı Qorcu Dəniz Tərlan qızı hadisə yerində dünyasını dəyişib.
Məktəbin digər şagirdi - 12 yaşlı Hacızadə Ayla Rövşən qızı və məktəbin müəlliməsi, 1971-ci il təvəllüdlü Əziziova Aytən Faiq qızı müxtəlif bədən xəsarətləri ilə Qobustan Mərkəzi Rayon Xəstəxanasına yerləşdiriliblər.
Faktla bağlı Qobustan rayon Polis Şöbəsində araşdırma aparılır.
