İranın paytaxtı Tehranda təsirli olan qum fırtınası nəticəsində 5 nəfər həlak olub, 30 nəfər yaralanıb. 

Movqe.Az xəbər verir ki, Paytaxt Tehranda təsirli olan və sürəti saatda 130 kilometrə qədər çatan qum qasırğası, həyatı sanki iflic edib. Ağaclar yerlərindən sökülüb, bir çox yerdə elektrik kəsilməsi baş verib. Qum qasırğası 5 nəfərin həlak olmasına, 30 nəfərin yaralanmasına gətirib çıxarıb. 

Tehranda təyyarə səfərləri ləğv edilib, yaşlı, uşaq və ürək xəstəliyi olanların isə çölə çıxmamaları məsləhət görülüb.