Əlaqə Arxiv
news Image
2014.06.04
16:24
| A A A
Azərbaycan hərbçilərinin cəbhədə yüksək rütbəli erməni kəşfiyyatçısını məhv etməsinin təfərrüatları məlum olub
Ordu korpusunun kəşfiyyat rəisi ilə yanaşı, sürücüsü də öldürülüb, lakin fakt mediadan gizlədilib

Mayın 26-da cəbhənin Füzuli rayonu istiqamətində Azərbaycan hərbçiləri tərəfindən Ermənistan Ordusunun zabiti, podpolkovnik (polkovnik-leytenant) Qarik Balayanın zərərsizləşdirilməsi əməliyyatının təfərrüatları məlum olub.

 

APA-nın hərbi mənbədən əldə etdiyi eksklüziv məlumata görə, erməni ordu korpusunun kəşfiyyat rəisi ilə birlikdə onun sürücüsü də məhv edilib, lakin həmin fakt ermənilər tərəfindən mediadan gizlədilib.

 

Mənbənin məlumatına görə, Q. Balayan qoşunların təmas xəttindən xeyli uzaqda məhv edilib.

 

Erməni kəşfiyyat-diversiya qruplarının ərazidə əməliyyat keçirmək planından xəbər tutan Azərbaycan tərəfi qabaqlayıcı tədbir həyata keçirib. Bu zaman əməliyyata bilavasitə rəhbərlik edən podpolkovnik Q. Balayan ön xəttə gələrkən Azərbaycan əsgərlərinin atəşi altına düşüb. Nəticədə Q. Balayan və sürücüsü öldürülüb. Zabitin əynində olan qoruyucu zireh də onu xilas edə bilməyib.

 

Ümumilikdə Füzuli istiqamətində mayın 20-dən intensiv xarakter almış döyüşlərdə ermənilərin çox sayda itki verdiyini deyən mənbə əldə edilmiş radiokəşfiyyat məlumatlarında da bunun əksini tapdığını bildirib.

 

Mənbənin məlumatına görə, cəbhədə yaralanmış erməni hərbçilər Xocavənd, Əsgəran və Xankəndi hərbi hospitallarına yerləşdirilib.

 

"Əldə olunan məlumata görə, təkcə Əsgərandakı hospitala 10-dan artıq yaralı yerləşdirilib. Bunlar əsasən Qarabağdan olan hərbçilərdir. Ermənistandan olan yaralı hərbçilər isə İrəvan və Gorusdakı hospitallara yerləşdiriliblər", - deyə mənbə bildirib.

Sizin Reklam Yeriniz