Əlaqə Arxiv
news Image
2014.06.17
14:25
| A A A
Zakir Həsənovdan ciddi xəbərdarlıq
Nazir hərbi hissə komandirlərinə xüsusi göstərişlər verib

Müdafiə naziri Zakir Həsənov hərbi hissələrdə əsgər özbaşnalıqlarının aradan qaldırılması üçün nazirliyin yüksək çinli zabitlərinə, hərbi hissə komandirlərinə ciddi tapşırıqlar verib.


Nazir hərbi hissə komandirlərinə ordu sıralarında "dedovşina" hallarının birdəfəlik aradan qaldırılması, əsgəri heyət arasında nizam-intizam qaydalarına ciddi nəzarət olunması ilə bağlı xüsusi göstərişlər verib.


Mənbənin bildirdiyinə görə, nazir "dedovşina" halları aşkar edilən hərbi hissə komandirlərinin sərt şəkildə cəzalandırılacağını diqqətə çatdırıb.


Qeyd edək ki, Z.Həsənov Daxili Qoşunların Komandanı olarkən nəzarətində olan hərbi hissələrdə ciddi nizam-intizam qaydaları yaratmış, əsgərlər arasında "dedovşina" hallarını aradan qaldırmışdı. Səfər Əbiyevin nazir vəzifəsində olduğu dönəmdə isə Milli Ordu tabeliyində olan hərbi hissələrdə "dedovşina" açıq-aşkar mövcud idi. 


Xatırladaq ki, "dedovşina" orduda daha uzun müddət xidmət keçənlərin sonradan hərbi xidmətə başlayan əsgərlər üzərində qeyri-qanuni hakimiyyətidir. Bura daha uzun müddət xidmət keçən əsgərlərin gənc əsgərlərə qarşı müxtəlif təhqiredici hərəkətlər etməsi, onlara alçaldıcı tapşırıqlar verməsi, fiziki təzyiq, bəzən hətta cinsi qısnama daxildir. Çox vaxt bu hərəkətlər maddi baxımdan nisbətən imkanlı əsgərlərə qarşı törədilir.


Sizin Reklam Yeriniz