Leyla Əliyevanın əl işi satışa çıxarılacaq (FOTO)
Azərbaycan prezidenti İlham Əliyevin böyük qızı, Heydər Əliyev
Fondunun vitse-prezidenti, "Baku" jurnalının baş redaktoru Leyla
Əliyevanın əl işi hərraca çıxarılacaq. Movqe.az-ın məlumatına görə,
dünyanın ən iri hərrac evlərindən biri olan "Kristi" Londonun qədim
"Old Vic" teatrının dəstəklənməsinə yönəldilmiş onlayn hərracın
keçirildiyini elan edib.Hərrac evinin Londonun Kinq-strit ünvanında
yerləşən böyük salonunda "Müharibədən sonrakı və müasir incəsənət"
adlı hərrac keçiriləcək. "Old Vic" teatrının rəsmi sponsoru olan
"Kristi" onlayn-hərracdan əldə ediləcək gəlirin hamısını teatrın
hesabına köçürəcəkdir. Hərracın lotları arasında Heydər Əliyev
Fondunun vitse-prezidenti Leyla Əliyevanın "Həyat" adlı kollajı da
vardır.Hərracın bütün lotları iyunun 25-dən iyulun 3-dək Londonun
Bryuer-strit (Brewer Street) 35 ünvanında təşkil olunacaq sərgidə
nümayiş etdiriləcək.Hərracın ilk günü "Old Vic" teatrında Artur
Millerin pyesi əsasında "Sərt sınaqlar" ("The Crucible")
tamaşasının premyerası olacaq. Əsərdə baş rolu Riçard Armitic ifa
edir. Aktyor Kevin Speysinin bədii rəhbər olduğu teatrın yaradıcı
heyətinin əksəriyyəti istedadlı gənclərdir. Burada onların inkişafı
üçün hər cür şərait yaradılıb. Bundan əlavə, teatr özünün populyar
"Old Vic New Voices" (Old Vikin yeni səsləri) maarifləndirmə
proqramı ilə də məşhurdur.