Bəhruz Nəzərov Azərbaycan Sambo Federasiyasının mətbuat xidmətinin rəhbəri seçilib.

"Azərbaycan Sambo Federasiyasi" İctimai Birliyindən Trend-ə verilən məlumata görə, Birliyin İcraiyyə Komitəsinin qərarı ilə Nəzərov Bəhruz Əliövsət oğlu Federasiyanın Mətbuat Xidmətinin rəhbəri seçilib.

Qeyd edək ki, Bəhruz Nəzərov 1997-ci ildən KİV sahəsində çalışır. 1997-ci ildə "Space" MTRŞ-də müxbir vəzifəsində fəaliyyətə başlayan Bəhruz Nəzərov bir sıra elektron və yazılı KİV-lərdə şöbə müdiri, baş redaktor, icraçı direktorun müavini vəzifələrində çalışıb. O, həmçinin 2011-2012-ci illərdə Diasporla İş üzrə Dövlət Komitəsinin mətbuat xidmətinin rəhbəri olub.

Xatırladaq ki, Bəhruz Nəzərov həm də Azərbaycan Respublikasının əməkdar jurnalistidir.