Nazir bir görüşdə 28 nəfərin problemini həll etdi
Səhiyyə naziri Oqtay Şirəliyevin Balakən rayonunda keçirdiyi
qəbulun nəticələrinə dair məlumat yayılıb. Nazirliyin mətbuat
xidmətindən Movqe.az-a verilən xəbərə görə,
iyunun 20-də səhiyyə naziri Oqtay Şirəliyev Balakən rayon Mərkəzi
Xəstəxanasında Balakən və ətraf rayonlardan olan Şəki, Zaqatala,
Qax, Qəbələ, Oğuz rayon sakinlərini qəbul edib. Sakinlərlə görüş
zamanı onların istək və arzuları, vətəndaşların problem və
xahişləri ilə yaxından tanış olan nazir, həmin məsələlərin həlli
istiqamətində bir sıra tapşırıq və göstərişlər verib. Daxil olmuş
müraciətlər əsasında qısa müddət ərzində 2 nəfər - Respublika
Klinik Uroloji Xəstəxanasına, 2 nəfər - Milli Oftalmologiya
Mərkəzinə, 1 nəfər - 2 nömrəli Uşaq Klinik Xəstaxanasına, 1 nəfər-
ET Hematologiya və Transfuziologiya İnstitutuna və Milli Onkologiya
Mərkəzinə, 11 nəfər- Elmi Cərrahiyyə Mərkəzinə, 2 nəfər -
Respublika Klinik Xəstəxanasına, 2 nəfər - Elmi Tədqiqat
Travmatologiya və Ortopediya İnstitutuna, 1 nəfər - Bakı şəhər 6
nömrəli Uşaq Klinik Xəstəxanasına və 1 nəfər - Şəki Perinatal
Mərkəzinə göndərilib. Həmçinin övladı Belarusda müalicə alan və
onun müalicə xərclərinin ödənilməsi ilə əlaqədar müraciət edən
şəxsə bütün müayinə və müalicənin dövlət hesabına ödənilməsi şərti
ilə ölkəyə gətirilməsi məsləhət görülüb. Digər 2 nəfərin xəstəliyi
ilə əlaqədar Zaqatala və Balakən MRX-nın rəhbərliklərinə
tapşırıqlar verilib.