İcbari sığortanın olmamasına görə cərimələr dəfələrlə artırıldı
Azərbaycan Prezidenti İlham Əliyev İnzibati Xətalar
Məcəlləsinə avtomobil nəqliyyatı vasitələri sahiblərinin mülki
məsuliyyətinin icbari sığortası olmamasına görə cərimələrin
məbləğinin xeyli artırılmasının nəzərdə tutan dəyişiklikləri
təsdiqləyib. Movqe.az -ın məlumatına görə, bu barədə rəsmi mətbuatda dərc olunmuş
xəbərdə deyilir. Belə ki, fiziki
şəxslər üçün müvafiq sığortanın olmamasına görə cərimənin məbləği
10 manatdan 50 manata, vəzifəli şəxslər üçün 100 manatadək, hüquqi
şəxslər üçün 300 manatadək artırılıb. "İcbari sığortanın növləri haqqında" qanuun qüvvəyə
minməsindən sonra avtomobil nəqliyyatı vasitələri sahiblərinin
mülki məsuliyyətinin icbari sığortası üzrə sığorta polisinin baza
dəyəri 50 manat təşkil edir və mühərrikinin həcmi 1500 min kub
santimetrədək olan avtomobillərə tətbiq edilir. Mühərrikin həcmi
artıqda (1,5 min-dən 5 min kub santimetrədək) dəyərə 1,5-dən 5-dək
əmsal tətbiq edilir. Mühərrikinin gücü 5 min kub santimetrdən artıq
olan avtomobillərə 5 əmsalı tətbiq edilir. Əvvəllər minik
avtomobilləri üçün sığorta mükafatı 10 manat idi.