Movqe.az ANS PRESS-ə istinadən xəbər verir ki, bu barədə Ukrayna
hökumətinin baş nazirinin müavini Vladimir Qroysman xəbər
verib.
"Bu vaxta 192 cəsəd tapılıb. Axtarış sahəsi daha 35 kilometr
boyunca genişlənib. Axtarışlarda daimi olaraq silajhlı şəxslər
tərəfindən qorunan 200 Fövqəladə Hallar üzrə Dövlət xidmətinin
əməkdaşı iştrak edir" - deyə Qrosman mətbuat konfransı zamanı
bildirib.
Onun sözlərinə görə, xilasedicilərin işlədiyi sahədə 800-900
üsyançı mövcuddur. O, həm də qeyd edib ki, işlərə 21 ədəd texnika
cəlb olunub. Qroysman həmçinin bildirib ki, bu günə kimi nə
ukraynalı, nə də beynəlxalq ekspertlərin təhlükəsizliyi barədə heç
bir zəmanət alınmayıb. Buna baxmayaraq, həmin əraziyə nəzarət
edənlərdən həlak olanların cəsədinin çıxarılmasına razılıq əldə
edilib.
"Cəsədləri ərazidən çıxartmaq üçün hər cür şəraitimiz var, lakin
qəzanın baş vermə sahəsinə girə bilmirik" - deyə baş nazirin
müavini əlavə edib.
Xatırladaq ki, 17 iyul tarixində Amsterdam-Kuala-Lumpur reysi ilə
hərəkət edən sərnişin təyyarəsi Donetsk ərazisində qəzaya uğrayıb.
Təyyarənin göyərtəsində yerləşən 298 nəfərin hamısı həlak olub.
İlkin ehtimallara görə təyyarə raketlə vurulub.