Qırmızı Xaç təmsilçiləri Dilqəm Əsgərov və Şahbaz Quliyevə baş çəkdilər
Beynəlxalq Qırmızı Xaç
Komitəsinin (BQXK) nümayəndələri ermənilərin Kəlbəcərdə girov
götürdükləri azərbaycanlılara baş çəkiblər.BQXK-nın
Azərbaycan nümayəndəliyinin İctimaiyyətlə əlaqələr şöbəsinin
rəhbəri İlahə Hüseynova APA-ya
bildirib ki, saxlanılan şəxslərə ailə məlumatları çatdırılıb və
onlardan ailələrinə çatdırılması üçün məlumat alınıb. Qeyd edək ki,
Rusiya vətəndaşı Dilqəm Əsgərov və Azərbaycan vətəndaşı Şahbaz
Quliyev Kəlbəcərdə Ermənistan Silahlı Qüvvələri tərəfindən girov
götürülüb, digər Azərbaycan vətəndaşı Həsən Həsənov isə öldürülüb.
H. Həsənov Dağlıq Qarabağda dəfn edilib.