DİN-dən Natiq Ədilovun qardaşının həbsi ilə bağlı- Açıqlama
Daxili İşlər Nazirliyi AXCP üzvü Natiq Ədilovun
qardaşının həbsinə aydınlıq gətirib. Movqe.az xəbər verir
ki, Nazirliyin mətbuat xidmətinin rəis
müavini Ehsan Zahidov APA-ya bildirib ki, Baş Narkotiklərlə
Mübarizə İdarəsi əməkdaşlarının keçirdiyi əməliyyat-axtarış
tədbirləri nəticəsində Sabirabad rayonunun Xəlfəli kənd sakini
Murad Ədilovdan 114,2 qram həşiş və 7,4 qram marixuana aşkar
edilərək götürülüb. M. Ədilovun
yaşadığı evə baxış zamanı isə 685 qram marixuana aşkar edilib.
Faktla bağlı cinayət işi başlanıb, istintaq hərəkətləri davam
etdirilir. E. Zahidov deyib ki, M. Ədilovun həbsinə siyasi don
geyindirmək doğru deyil: "Murad Ədilov konkret cinayət faktına görə
tutulub. Buna siyasi don geyindirmək düzgün deyil. Ortada cinayət
faktı var və o, bu fakta görə məsuliyyətə cəlb
olunub".
