Əlaqə Arxiv
news Image
2014.09.02
17:46
| A A A
Ermənistan tərəfindən işğal olunmuş ərazilərdə mövcud olan meşə ərazilərinin 70%-dən çoxu məhv edilib
Azərbaycanın işğal altında olan torpaqlarında Fransa və İsveçrə şirkətlərinin mebel sexləri qeyri-qanuni fəaliyyət göstərir

"Ermənistan tərəfindən işğal olunmuş ərazilərdə mövcud olan meşə ərazilərinin 70%-dən çoxu məhv edilib". Ekologiya və Təbii Sərvətlər Nazirliyinin Meşələrin İnkişafı Departamentinin sektor müdiri Sadiq Salmanov APA-ya açıqlamasında deyib ki, mütəmadi olaraq həmin meşə əraziləri ilə bağlı monitorinqlər aparılır.Onun  sözlərinə görə, Azərbaycanın ən məhsuldar meşə əraziləri, təxminən 261 min hektar meşə ərazisi işğal olunmuş torpaqlarda qalıb. S. Salmanov qeyd edib ki, həmin ərazidə oduncaq ehtiyatı təxminən 39 milyon kub metrdir: "Ermənistan meşələrinin Azərbaycan meşələrinə nisbətən 2,5 dəfə az olmasına baxmayaraq, o, MDB dövlətləri arasında mebel sənayesinə xammal ötürməsinə görə qabaqcıl yerlərdən birini tutur. Bu da məhz Qarabağ və işğal altında olan meşələrin hesabınadır. Artıq 20 ildən çoxdur ki, ermənilər bu meşələri istismar edir, ordakı flora və faunanı məhv edir. Bununla əlaqədar BMT-nin müvafiq qurumlarına müraciət olunub". S.Salmanov bildirib ki, məlumata görə həmin ərazilərdə Fransa və İsveçrənin rəsmi qeydiyyatdan keçmiş 2-3 şirkətinin mebel sexləri qeyri-qanuni fəaliyyət göstərir. Bu məsələ ilə bağlı da müvafiq qurumlara müraciətlər olunub və bu istiqamətdə işlər davam edir".

Sizin Reklam Yeriniz