Nazirlik 5 nəfəri xilas etdi
Movqe.az xəbər verir ki,Fövqəladə Hallar
Nazirliyinin "112" qaynar telefon xəttinə daxil olmuş məlumata
əsasən, Bakı şəhəri, Nizami rayonunda doqquzmərtəbəli yaşayış
binasının liftində 5 nəfər köməksiz vəziyyətdə qalıb. Hadisə
yerində əməliyyat şəraiti qiymətləndirilərkən məlum olub ki, lift
texniki nasazlıq səbəbindən 5-ci mərtəbədə dayanıb. Xilasedicilər
təhlükəsizlik qaydalarına riayət etməklə xüsusi alət və
avadanlıqlar vasitəsilə liftin qapılarını açıb və vətəndaşların
liftdən çıxmasına şərait yaradıblar. Əməliyyat saat 22:02-də başa
çatıb.