"Bu Ermənistan dünyanın harasındadır, axı?" Ölkənin
prezidenti Serj Sarkisyan ümid edir ki, gələcəkdə bu suala mümkün
qədər çox adam düzgün cavab verə biləcək.
Movqe.az publika.az-a istinadən xəbər verir ki , Sarkisyan
ölkəsinin qarşılaşdığı bərbad iqtisadi vəziyyəti düzəltmək üçün və
investorların cəlb olunması məqsədilə xaricdə yaşayan 10 milyon
erməninin internetlə reklam kampaniyasına səfərbər edilməsinə
çalışır.
"Bir erməni – bir məqalə" adlanan kampaniyada soydaşlardan ölkə
haqqında müsbət məqalələr yazmaq xahiş olunur.
Prezident Sarkisyan və bu kampaniyanın arxasında olan digər şəxslər
deyirlər ki, ölkə ciddi təbliğ olunmalıdır, çünki bir çox insanlar
onun haqqında çox az bilgiyə malikdirlər.
Bəs əslində, insanlar hazırda Ermənistan haqqında nə bilirlər?
BBC müxbiri Londonda insanlara bu sualla yaxınlaşdıqda gözlənilən
baş verir.
London yay aylarında turistlə dolu olur, odur ki, dünyanın müxtəlif
yerlərindən gəlmiş onlarca qonağın qabağını kəsib Ermənistana dair
bilikləri barədə ayaqüstü qeyri-rəsmi müsahibələr almaq kifayət
qədər asandır.
Səudiyyədən gəlmiş cütlük Ermənistan haqqında eşidib, lakin
bildirkləri budur ki, ölkə Asiyada yerləşir. Bir danimarkalı qadın
isə deyir ki, onlar öz ölkələrində Ermənistan haqqında heç nə
eşitməyiblər.
Ən maraqlı cavabı isə Amerikadan ailəsi ilə istirahətə gəlmiş bir
kişi verir: "Orada bütün adamların soyadı "yan"la bitir.
Onun xanımı dərhal izah edir ki, əri bunu məşhurlardan Kim
Kardashianın soyadına əsasən deyir.
Söhbət olunan adamlardan Ermənistana müttəfiq ölkənin üzvü, yalnız
bir parisli qadın Ermənistan barədə məlumatlı idi, çünki paytaxt
İrəvana səfər etmişdi. "Bu balaca bir ölkədir və xalqı çox
məşəqqətlər çəkib" – deyə o bildirib.
Müsahibə qeyri-rəsmi olsa da, prezident Sarkisyanın və onun
həmvətənlərinin üzləşdiyi problemin böyüklüyünü aşkara çıxarır.
Erməni millətinin indi ən tanınmış siması özünü ev porno videosu
ilə məşhurlaşdıran hazırda isə bədəninin müxtəlif yerlərini açaraq
gündəmdə qalmaq istəyən, atası erməni anası isə şotland olan Kim
Kardaşyandır.