Azərbaycan Hərbi Hava Qüvvələrinin pilotları ilk dəfə F-16 təyyarələrində uçuşlar keçiriblər
Azərbaycan və Türkiyə Hərbi Hava Qüvvələrinin birgə təlimləri davam edir.
Movqe.Az-ın Müdafiə Nazirliyinin saytına istinadən verdiyi məlumata görə, bu gün təlimlərdə iştirak edən Azərbaycan Hərbi Hava Qüvvələrinin pilotları ilk dəfə olaraq ikiyerli döyüş-təlim F-16 tipli qırıcı təyyarələrində Türkiyə pilotları ilə birgə uçuşlar yerinə yetiriblər.
Təlim uçuşları zamanı pilotların bu tip təyyarələrin idarə olunması üzrə peşəkar bacarıqları və uçuş heyətinin ümumi hazırlığı yoxlanılıb.
Hərbi Hava Qüvvələrinin təlimləri oktyabrın 3-dək davam edəcək.
