Atəşkəs yenidən pozuldu
Erməni silahlı bölmələri ötən gün və bu gecə Silahlı Qüvvələrimizin
mövqelərini atəşə tutmaqla yenidən atəşkəs rejimini pozublar.
Movqe.az Müdafiə Nazirliyinin saytına istinadən bildirir ki,
erməni silahlı bölmələri dünən və bu gecə Ermənistan
Respublikasının İcevan rayonunun Berkaber kəndində yerləşən
mövqelərdən Qazax rayonunun Qızılhacılı kəndində yerləşən
mövqelərimizi atəşə tutublar.
Ağdam rayonunun Yusifcanlı, Goranboy rayonunun Tapqaraqoyunlu,
Xocavənd rayonunun Kuropatkino, Tərtər rayonunun Qızıl Oba kəndləri
yaxınlığında və adsız yüksəkliklərdə yerləşən mövqelərdən də
Silahlı Qüvvələrimizin mövqeləri atəşə tutulub.
Düşmən cavab atəşi ilə susdurulub.
