Latviyada parlament seçkisini rusdillilərin partiyası uddu
Latviyada oktyabrın 4-də keçirilmiş parlament seçkisinin ilkin
nəticələri açıqlanıb. "Media forum" saytı xəbər verir ki, rusdilli
əhalinin dəstəklədiyi müxalif Həmrəylik Partiyası 23,26% faiz səslə
(100 yerlik parlamentdə 25 mandat) qalib olub.İkinci və üçüncü
yerləri hakim koalisiyaya daxil olan Birlik (21,62% səs, 23
mandat), Yaşıllar və Kəndlilər İttifaqı (19,74% səs, 21 mandat)
partiyaları tutub. Hakimiyyətdə təmsil olunan "Hər şey – Latviyaya"
Milli İttifaqı 16,5% faiz səs yığıb (17 mandat. "Ürəkdən Latviyaya"
(6,91% səs, 7 mandat) və Latviya Regional Birliyi (6,47% səs, 7
mandat) partiyaları da parlamentə düşə bilib.