Koreya Xalq Demokratik Respublikası (KXDR) iki Koreyanı
birləşdirmək məqsədiylə döyüşə hazırlaşır. Movqe.az-ın məlumatına
görə, KXDR 2015-ci ili "birləşmə ili" elan edib. Bu barədə Cənubi
Koreya Müdafiə Nazirliyinin Hökumətə təqdim etdiyi hesabatda
bildirilib. Məlumata görə, KXDR bu məqsədlə davamlı olaraq ordunun
hücum gücünü artırır. Hesabatda, nümunə olaraq son 2 il ərzində
KXDR ordusunun əlindəki uzaq mənzilli raket sistemlərin sayının
300-ə qədər artırıldığı deyilir. Bu 240 mm-lik raketlərin 60 km
məsafəni qət edərək paytaxt Seulu vura biləcəyi ehtimal olunur. 300
mm-lik raketlərin isə təxminən 200 km məsafədəki mövqeləri vura
biləcək gücdə olduğu iddia olunur. KXDR bu il sentyabr ayına qədər
test məqsədiylə 111 ədəd mərmini sınaqdan keçirib. Cənubi Koreya
Müdafiə Nazirliyi KXDR-nın təxribatlarına qarşı ordunun
gücləndiriləcəyini bildirib. Məsələ ilə bağlı lazım olan bütün
tədbirlərin alındığı qeyd edilib.