Daha bir millət vəkili öləndən sonra orqanlarını vəsiət edəcək
Daxili orqanlarını vəsiyyət edənlərin sayı gün-gündən artır.
Mövqe.az xəbər verir ki, amma Azərbaycan qanunlarında bu prosesi
həyata keçirməyə imkan verən normalar yoxdur. Millət vəkili Qənirə
Paşayeva vəfat etdikdə, daxili orqanlarını ehtiyacı olan insanlara
bağışlamasına dair vəsiyyət yazdıqdan sonra bu məsələ cəmiyyətdə
müzakirə mövzusuna çevrilib. Mövzu ilə bağlı daha bir millət
vəkili Musa Quliyev də Mövqe.az-a fikirlərini bildirib:
"Millət vəkili Qənirə Paşayeva keçən il idi deyəsən öz orqanlarını
vəsiət etdi. Amma o prosesi reallaşdırmaq üçün mexanizm yoxdu.
Qaldı mən Musa Quliyevə belə addım atardım deyəndə ki, səmimi olmaq
lazımdı. Elə cavab vermək lazımdı ki, popurizmə xidmət eləməsin. Bu
gün əgər Azərbaycanda bunu həyata keçirəcək klinikalar yoxdursa, bu
iş tam təşkil olunmayıbsa, kadrlarımız yoxdursa belə addımdan
danışmaq düzgün deyil. Əgər sistem qurularsa, belə klinikalar
olarsa hər bir sivil insan kimi mən də istəyərəm özümdən sonra
mənim orqanlarım kiməsə həyat versin, onu ölümdən qurtarsın. Təbii
ki, sistem qurularsa Musa Quliyev də öz orqanlarını vəfat edəndən
sonra kiməsə verilməsi üçün vəsiət edə bilər. Yoxsa ki, indidən
natarüsdən get keçir, sistem yox, bir şey yox, öləndən sonra necə
olacaq bu iş ?".