Qeletey bayrağı qaldırmaq istəyərkən onu öldürməyə cəhd ediblər

Ukrayna müdafiə naziri Valeri Qeleteyə qarşı sui-qəsd cəhdi olub.

Anspress-in məlumatına görə, bu barədə Ukrayna Müdafiə Nazirliyinin rəsmisi açıqlama yayıb.

Açıqlamada bildirilir ki, süi-qəsd cəhdi ölkənin şərqində Slavyanskın azad olunması vaxtı baş verib.

"Nazirə Slavyanskda bayrağı qaldıran zaman sui-qəsd cəhdi edilmişdi", - deyə adı açıqlanmayan xüsusi kəşfiyyat bölməsinin komandiri Müdafiə Nazirliyinin briqada komandirlərinin mətbuat konfransında bildirib.

Xüsusi kəşfiyyat bölməsinin komandiri nazirə olunan sui-qəsdin təfərrüatını açıqlamayıb.

Qeyd edək ki, Ukrayna ordusu Slavyanskı iyul ayında azad edib.