Azərbaycanın hərbi xərcləri artırılır
Azərbaycanda gələn il büdcədən müdafiə və
təhlükəsizlik sektoruna ayrılan vəsaitlərin həcmi 3,1 faiz
artacaq. Maliyyə Nazirliyindən Trend-ə
bildiriblər ki, Azərbaycan Respublikasının 2015-ci ilin dövlət və
icmal büdcələri üzrə layihələrində Azərbaycan Respublikasının milli
təhlükəsizliyinin və müdafiə qabiliyyətinin gücləndirilməsi və
maddi-texniki bazasının möhkəmləndirilməsi üçün (xüsusi müdafiə
təyinatlı layihələrin və tədbirlərin maliyyə təminatı ilə bağlı
əsas bölmələrə aid edilməyən xərclərdə nəzərdə tutulmuş vəsait
nəzərə alınmaqla) müdafiə xərclərinə 2015-ci il dövlət büdcəsi
xərclərinin 17,9 faizi həcmində vəsait nəzərdə tutulub. Bu isə
2014-cü illə müqayisədə 3,1 faiz-bənd
çoxdur. Məhkəmə hakimiyyəti,
hüquq-mühafizə və prokurorluğun saxlanılması xərcləri 2014-cü il
dövlət büdcəsi xərclərinin 5,8 faizini təşkil
edəcək.Məhkəmə sisteminin saxlanılması
xərcləri üçün 2015-ci il dövlət büdcəsində 52,3 milyon manat vəsait
pronozlaşdırılıb ki, bu da 2013-cü ilin faktiki icra
göstəricilərinə nisbətən 13,2 milyon manat və yaxud 34 faiz
çoxdur. Eyni zamanda, 2015-ci il
dövlət büdcəsinin əsaslı vəsait qoyuluşu xərclərində də müdafiə və
təhlükəsizlik, məhkəmə hakimiyyəti, hüquq-mühafizə və prokurorluq
orqanlarına aid olan infrastrukturlar üzrə investisiya layihələri
üçün müvafiq məbləğdə vəsait nəzərdə tutulub.