Müxalifətdəki "İrs" Partiyası Ermənistan rəhbərliyinin Avrasiya İqtisadi Birliyinə üzvlük barədə müqaviləni imzalamasını pisləyir. APA-nın "news.am" saytına istinadən verdiyi xəbərə görə, bunu "İrs" Partiyasının millət vəkili Zaruhi Postancyan keçirdiyi mətbuat konfransında bildirib. "Serj Sarksyanın Minskə gedərək belə bir müqaviləni imzalamaq səlahiyyəti yoxdur. "İrs" Partiyası ölkənin Avrasiya İqtisadi Birliyinə qoşulmasını suverenliyin və müstəqilliyin itirilməsi hesab edir", - deyə o, söyləyib.