Ukraynada növbədənkənar parlament seçkisinə 3 gün qalır. "Media forum" saytı xəbər verir ki, oktyabrın 23-də Sofiya Sosial Tədqiqatlar İnstitutu keçirdiyi seçki sorğusunun nəticələrini açıqlayıb.

Sorğuya görə, prezident partiyası – Poroşenko bloku 28,3% səslə parlamentdə 84 mandata sahib çıxa bilər. Radikal Partiya 12,6% (37 mandat), Xalq Cəbhəsi 10,9% (32 mandat), Müxalif blok 8,7% (26 mandat), "Samapomoş" bloku 8,5% (25 mandat), Güclü Ukrayna bloku 4,5% (16 mandat) səsə iddia edir. Sabiq baş nazir Yuliya Timoşenkonun "Batkivşina" bloku 7,1% səs almaq (21 mandat) imkanındadır. Seçki oktyabrın 26-da keçiriləcək. 450 nəfərlik parlamentin yarısı proporsional sistemlə seçilir.