Xüsusi istedadlı tələbələrə şad xəbər-Eksklüziv
Cəsarət Valehov: ""Sabah Qrupları"na dünyanın nüfuzlu universitetlərindən dərs keçmək üçün müəllimlər cəlb ediləcək"
Azərbaycanda yeni yaradılan "Sabah Qrupları"na dünyanın nüfuzlu
universitetlərindən dərs keçmək üçün müəllimlər cəlb ediləcək. Bu
sözləri Movqe.az-a açıqlamasında nazirliyin
mətbuat xidmətinin rəhbəri Cəsarət Valehov söyləyib. C. Valehov
bildirib ki, təhsilin keyfiyyətində tələbə müəllim vəhdəti əsas rol
oynayır: "Bu qruplarda dərs keçən müəllimlərin xüsusi nüfuzunun
olması əsas prioritetdir. Ona görə də, artıq xaricdə təhsil almış
tələbələrdən bu istiqamətdə istifadə edilməsinə başlanılıb. Yaxın
gələcəkdə isə "Sabah Qrupları"nda dərs alan tələbələrə dərs keçmək
üçün dünyanın nüfuzlu universitetlərindən müəllimlərin cəlb
edilməsi də plandadır".
C. Valehov bunun "Sabah Qrupları" da ali təhsili uyğurla başa vurmuş tələbələrin iş adamları üçün potensial kadr olmasına gətirib çıxardacağını söyləyib.
Qeyd edək ki, bu
günlərdə Prezident yanında Dövlət İdarəçilik Akademiyasının (DİA)
15 illik yubileyi münasibətilə akademiyanın elmi şurasının
iclasındakı çıxışında Prezident Administrasiyasının (PA) rəhbəri,
akademik Ramiz Mehdiyev həm Prezident Administrasiyasının, həm
nazirliklərin, həm də yerli hakimiyyət strukturlarının bu gün ciddi
kadr böhranı problemi ilə üzləşdiklərini dilə
gətirib