İki avtomobil toqquşub, 1 yaralı
Ağdamda yol-nəqliyyat hadisəsi baş verib.
Movqe.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Ağdam rayonu, Quzanlı qəsəbəsində 2 minik avtomobilinin toqquşması nəticəsində yol-nəqliyyat qəzası baş verib.
Xilasedicilər deformasiyaya uğramış "VAZ" markalı minik avtomobilində sıxılmış vəziyyətdə qalmış yaralını avtomobildən çıxarıb və aidiyyəti üzrə təhvil veriblər. Əməliyyat saat 00:32-də başa çatıb.