ABŞ Hərbi Hava Qüvvələri Suriyanın Sarmada qəsəbəsi yaxınlığında "Xorasan" terror təşkilatına aid 5 hədəfi bombalayıb. ABŞ Mərkəz Qüvvələr Komandanlığından verilən məlumata görə, hava hücumunda Amerika Hərbi hava Qüvvələrinə məxsus qırıcı təyyarələr və pilotsuzardan istifadə olunub. Hücum zamanı "Xorasan"ın bir çox hərbi texnikası, avtomobil, məskunlaşdıqları binalar və partlayıcı qurğuları sıradan çıxarılıb.