Putin vaxtından əvvəl getməyəcək
Bəzi xarici KİV-lər Rusiya prezidenti Vladimir Putinin Ukraynadakı
münaqişə ilə bağlı ona göstərilən təzyiqlər səbəbindən "böyük
iyirmiliyin" sammitini vaxtından əvvəl tərk edəcəyi barədə xəbərlər
yayıb.
Movqe.Az AzərTAc-a istinadən bildirir ki, Rusiya Federasiyası prezidentinin mətbuat katibi Dimitri Peskov bununla bağlı yayılan xəbərləri təkzib edib və onları cəfəngiyat adlandırıb.
Mətbuat katibi, həmçinin məlumat verib ki, prezident Vladimir
Putinlə İtaliyanın Baş naziri Matteo Rensinin görüşündə Ukraynanın
cənub-şərqində gərginliyin artması ilə bağlı narahatlıq ifadə
olunub. Görüş zamanı liderlər ikitərəfli münasibətlər barədə də
müxtəsər söhbət ediblər.