BSU-dan yataqxanada uçqunla bağlı-Açıqlama
Bakı Slavyan Universitetindən Binəqədi rayonu ərazisində
yerləşən yataqxanasında baş verən uçqunla bağlı açıqlama
verilib.Movqe.az-a danışan BSU-nun mətbuat
xidmətinin rəhbəri Adil Əliyev bildirib ki, yataqxanada uçqun
olmayıb: "Hazırda orda təmir gedir. Bir otaqda döşəmədə uçqun olub.
Bina bizim balansımızda olsa da, orada bir nəfər belə tələbə
qalmır. Hazırda bu yataqxanada məcburi köçkünlər məskunlaşır".
Xatırladaq ki, Bakı Slavyan Universitetinin Binəqədi rayonu ərazisində yerləşən yataqxanasında uçqun olub.APA-nın məlumatın görə, yataqxananın 4-cü mərtəbəsində döşəmənin uçması nəticəsində bir nəfər xəsarət alıb. Dərnəgül qəsəbəsi Ağasadıq Gəraybəyli küçəsi 31 ünvanında yerləşən yataqxanada baş verən uçqun zamanı bir nəfər xəsarət alıb. Təcili yardım maşını ilə 1 saylı Şəhər Klinik Xəstəxanasına çatdırılan şəxsə ilkin yardım göstərildikdən sonra o, ambulator müalicə üçün evə buraxılıb.