"Mən bu dəfə tutulmasaydım, əzizlərimin qəbrlərini ziyarət etməyə yenə gələrdim".Movqe az AzNews.az-a istinadən xəbər verir ki, bunu ermənilər tərəfindən Kəlbəcərdə girov götürülən azərbaycanlı Dilqəm Əsgərov Xankəndidə keçirilən "məhkəmə"də deyib.Qeyd edək ki, bu gün baş tutan "məhkəmə"də Şahbaz Quliyevlə Dilqəm Əsgərovun Kəlbəcərdə çəkdikləri video müzakirə edilib.Videoda əsasən Dilqəmin şərhləri yer alıb. Anatoli Tadevosyanın hakimliyə ilə keçirilən "məhkəmə"də azərbaycanlılar erməni yeniyetmə Smbat Çakanyanı öldürmədiklərini deyiblər. Dilqəm vurğulayıb ki, erməni "uşağı" onları könüllü olaraq müşayiət edib.