Daxili orqanlarında narkotik keçirmək istəyən 13 azərbaycanlı qadın tutuldu
İrandan ölkəmizə daxili orqanlarında narkotik
vasitə keçirmək istəyən 13 azərbaycanlı qadın
tutulub. Dövlət Gömrük Komitəsindən
(DGK) Movqe.az bildiriblər ki,
2014-cü il yanvarın 10-dən noyabrın 21-dək Azərbaycan vətəndaşları
tərəfindən daxili orqanlarında narkotik vasitələrin İrandan
Azərbaycana keçirilməsinə cəhd edilməsi ilə bağlı gömrükçülər
tərəfindən 38 fakt aşkarlanıb. Nəticədə daxili bədən boşluqlarında gizlədilməklə
keçirilməsinə cəhd edilən 3 kiloqram 736 qram narkotik vasitə
dövriyyədən çıxarılıb.DGK-dan bildiriblər
ki, təəssüf doğuran hallardan biri də bu işlərə qadınların cəlb
edilməsidir. Belə ki, cari ildə 13 qadın bu üsulla narkotik
vasitələri keçirməyə cəhd göstərib.