Rəisin maşını qəzaya düşdü – Sürücüsü öldü
Bakı şəhərinin Qaradağ rayonu ərazisində ölümlə nəticələnən yol
qəzası baş verib.Movqe az Lent.az-a istinadən xəbər verir ki,
Qaradağ rayonu ərazisində, Sahil qəsəbəsini Bakı-Ələt magistralına
birləşdirən hissədə polis baş serjantı, 1977-ci il təvəllüdlü
Mürsəlov Rüstəm Eldar oğlunun idarə etdiyi 90 AP 050 nömrə nişanlı
"Kia Sportage" markalı avtomobil "Daf" markalı qoşqulu yük
avtomobilinə çırpılıb. Nəticədə R.Mürsəlov ağır bədən xəsarətləri
alıb və təcili tibbi yardım avtomobili ilə xəstəxanaya aparılarkən
yolda keçinib.Qəzaya uğrayan avtomobil Qaradağ Rayon Polis İdarəsi,
38-ci Polis Bölməsinin rəisi Turab Paşayevin xidməti avtomobili
olub. Qəzada dünyasını dəyişən R.Mürsəlov isə polis baş serjantıdır
və bölmə rəisi T.Paşayevin sürücüsü olub.Faktla bağlı cinayət işi
açılıb, araşdırmalar aparılır.Qeyd edək ki, qəzaya səbəb kimi
yağmurlu hava şəraitində sürət həddinin və ara məsafəsinin düzgün
seçilməməsi göstərilir.Xatırladaq ki, rəis Turab Paşayev məşhur
polis işçisi, bu ilin əvvəlində Şamaxının rəisi vəzifəsindən azad
edilərək təqaüdə göndərilən Şahmar Paşayevin oğludur.