Movqe.az xəbər verir ki, Suriya ordusundan asılı topçu birlikləri, paytaxt Şamın şimalındakı 100 min əhalisi olan Tel qəsəbəsini top və raket silahlarından atəşə tutub. Evləri uçurulan yüzlərlə ailə çaxnaşma ilə buradan qaçmağa başlayıb. Müxalif qaynaqlar Telə yaxın bölgədə yerləşən 216-cı mexanik Tabur qərargahının bombardmanı gecə başlatdığını, qəsəbədə böyük çaxnaşma yarandığını, hər dəqiqə yeni partlayışın meydana gəldiyini, insanların yaşadığı mənzillərin tuşlandığını bildirib. Xatırladaq ki, Şamın 8 kilometr şimalındakı Tel Sünni Müsəlmanların əksəriyyətinin məskunlaşdığı bir qəsəbədir. Ötən aylarda minlərlə ailə, qarşıdurmalardan qaçmaq üçün Humus və Şamdan Tel bölgəsinə gəlmişdi.