Çin gəmiləri Yapon dənizi sərhədlərində
Movqe.az xəbər verir ki, Şərqi Çin
dənizindəki adalarla əlaqədar gərginliyin davam etdiyi bir dövrdə
Çin müşahidə gəmiləri Yapon dənizi sərhədlərinə daxil olub.
Yaponiya Sahil Təhlükəsizlik üzrə hazırlıq şöbəsi, Senkaku sıra
adaları arasında yer alan Uotsurijima yaxınlığında Çinə aid 4 gəmi
təsbit etdiklərini açıqlayıb. Sahil Təhlükəsizlik şöbəsi gəmilərin
bölgəni dərhal tərk etmələri üçün xəbərdarlıq edib.Yaponiya xarici
işlər naziri Koiçiro Gemba təhlükəsizlik pozuntusu səbəbiylə Çinə
etiraz edib.
Xatırladaq ki,Yaponiyanın cənubundakı Okinava adalarının cənub-qərbində, Tayvanın şimalında və Çinin şərqində yerləşən adalar, strateji dəniz yollarının üzərində yerləşir.Həmçinin balıqçılıq və təbii qaynaqlar baxımından zəngin bölgədə qərarlaşıb.