Məşhurlardan Obamaya dəstək gəldi
Movqe.Az bildirir ki, ABŞ prezidenti Barak
Obama seçki kampaniyası ilə bağlı iki günlük Kaliforniyaya ziyarət
edib. İlk olaraq Los Ancelesə səfər edən Prezident, məşhur
müğənnilər və Hollivud ulduzları tərəfindən seçkilərdə ona dəstək
üçün təşkil edilən mərasimə qatılıb. "Nokia Theater"da
"Zəfərə 30 Gün'' adı altında keçirilən mərasimdə, məşhur
aktyor Corc Kluneyin çıxışı, Keti Perri, Stiv Uonder və Con Bon
Covi kimi ulduz musiqiçilərin performanslarından sonra kürsüyə
gələn Obama, 6 minə yaxın dəstəkçisinə xitab olaraq nitq söyləyib.
Çıxışında, özündən əvvəl səhnəyə çıxan məşhurlara ''qüsursuz
performans göstərdiklərini'' söyləyərək onları tərifləyib.